Творческая страничка Игнатовой Елены Александровны,
учителя коми языка и литературы МБОУ "СОШ" с.Пожег
Зарисовки
(фото автора)
Корсь ас пытшсьыд коми мортсӧ- сэки и аддзан ас гӧгӧрсьыд ӧти сынӧда йӧзсӧ, ӧти видзӧдласа ёртъястӧ, и кок ув муыд тыдовтчас...(Е.Игнатова)
Кор киад босьтан фототоаппарат либö камера да заводитан корсьны думсьыд шызьöдана кадръяс, дзик выль ног мöдан аддзыны ас гöгöрса миртö. Со,шуам, снимайтiм öнi ытва. Заводитан видзöдавны чукöртöм материалтö – и шемöс босьтö. Сы мында овтöм керка гöгöр вöлöма…Со тай и видзöдчöны кырвывса овтöм керкаясыс рöмпöштан кодь югыд ваас да думсьыныс быттьö ыдждöдöны сиктнымöс керка лыднас…öти пыдди кык тыдалö да...Абу жö окота эскыны, мый кусасны- бырасны, оз кутны öзйыны коркö сиктса керкаясын бияс…Керка дорö вайöдысь трöпаяс тöвнас тырасны джуджыд лымйöн...Оз пö танi тiянöс виччысьны,оз...Ен мед видзас таысь миянлысь сиктъяснымöс.
По- зимнему притаилась Вычегда- речка. А вдоль речки- такой загадочный пейзаж. Хочется послушать голубую тишину. Нарисовать, наверно, можно.Нет, пожалуй,не передать.Лучшего художника, чем сам природа, всё- таки не найти..
Еджыд-еджыд нистӧм нигӧна вурун кодь водӧма лымйыс. Быттьӧ вот ӧні, тайӧ здукас и босьтчасны гындыны небыд гын сапӧг ичӧтик кагуклы, мед восьлалас аслас чужан му кузя да оз кынмы весиг медся веж морозъясӧ.
Эжвалы окота нин шебрыштчыны, а йи вевттьӧдыс ичӧт эшкынпи кодь на ,да ӧтилаті кӧ вевттяс, мӧдлаті куш... Оти берегыс асланьыс кыскӧ эшкысӧ, а мӧдыс лыддьӧ, ме пӧ абу жӧ пайтӧм Макар...Вайышт татчань....Дзажнитӧма- резьдӧма сэсся кень кодь вӧсни шебрасыд..
Тэнад олӧм- юыд кӧ мудзас кывтнысӧ, кай-кавшась кыркӧтш вылас да мун, кытчань сьӧлӧмыд видзӧдӧ, эн синнад видзӧд, а ловнад...Сійӧ оз сорсьы..
Арся пемыд войсӧ югдӧдыштны мыччис бансӧ бура вердӧм тӧлысь. Гӧгрӧс кӧвдум кодь чужӧмнас думсьыс красуйтчыштны кӧсйис... Сӧмын некод ёнасӧ эз и нюмъяв сылы. Кӧдзыд муслунсьыд тай омӧля шоналан. А мортыдлы шоныд колӧ...
Коръя пуяс пыркӧдісны юрсӧ. Мича нывлӧн моз ӧти мичмӧдчан кор абу на саялӧма лым улас. Друг кодкӧ да аддзас тайӧ синмӧ шыбитчытӧм мичлунсӧ. Кокыд тай оз лыб тувччыны кор вылас...Бокӧ воськовтан.
Челядь шуӧны, мый лым пася пуяс уськӧдӧны тӧд выланыс Мороз Пӧльӧс, Лымнылӧс, козинъяс...Олӧма йӧз лыддьӧны, мый быд выль лым воӧм вайӧ на олӧмӧ выль тшупӧд, коді ещӧ ӧтчыд гартыштас налысь олӧм- часіӧ быдса во вылӧ...Найӧ тӧдӧны тӧвзьысь кадыслысь донсӧ...
Гожся дзоридзлы сьӧкыд эскыны, мый воис тӧв да югыд мичлуна пӧраыс кунис синсӧ. Мортлы сьӧкыд жӧ овлӧ эскыны, мый томлун важӧн нин ӧвтыштіс чышъяннас да саяліс туй чукыль сайӧ...Но коляс сӧмын здук-и лоӧ гӧгрвоана- олӧм вежсьӧмын эм жӧ аслас мичлун..
Сӧдз синва кодь Эжва юӧ юр невеста моз видзӧдчӧ Пожег сикт. Лӧнь Эжва дорын вежавидзӧмӧн олӧм- вылӧмыс- тайӧ и эм мувывса медъюгыд райыс. Кор видзӧдан- видзӧдан да пӧтны он вермы повзьӧдтӧм на сӧстӧмлунсьыс.. Ов да красуйтчы, коми мулӧн кага..
Маленькое село на берегу реки. Ничего необычного, когда есть возможность каждый день видеть эту живописную картину. Просто и обычно. Но когда ты поживёшь вдалеке от родного села и вновь придёшь на тот же самый берег, давно знакомая картина откроется пред тобой в совершенно новом свете. Ты будешь замечать маленькие детали, которым раньше не придавал значения. Место, где бегали с ровесниками, чья-то старая лодка, под которой прятались от дождя, кустики,между которыми ты забрасывал удочку, скамеечка,где прошло твоё первое свидание и даже вековая коряга, на которой развешивали промокшую одежду после купания...И ты поймёшь, что это твоё убегающее детство машет платочком вслед ...
Ывлаыс шебрасьӧма. Павкнитӧма вылысас еджыд нигӧна эшкын. Но жовпу вылын пыр на ворсӧдчӧ куим кор- гӧрд, виж да турунвиж...Быттьӧ арся ичӧтик дӧмастор...
Потшӧс... Ичӧтӧн сы вывті уръяс моз котравлім, коді ылӧджык котӧртас да оз тювгысь. Увлань юрӧн на радейтім вылыс потш вылас ӧшавны.Кодлӧн юрыс оз бергӧдчы. Тӧвнас лым толаӧ забор вывсяньыс чеччавлім , потш костас пӧв пуктӧмӧн качайтчывлім и чеччавлім , сусед йӧрӧ пӧв кузя вуджавлім. Некутшӧм завортӧг.А косясьӧм платтьӧ бӧжыд тшаква. Майӧгйывсаясыдлы мый ещӧ шуан...
А это же совсем обычная зима, просто выпал обычный снег на совершенно обычные деревья.
- А ты попробуй найди необычное в обычном...Попробуй, тебе обязательно понравится..
Горöдан кö, паськыд видзьяс пасьталаыс разалас йöлöга шыыс...Кыласны весиг Вомынбöжса войтыр... Сöмын танi окота сулыштны гусьöник...Матыстчин кö татчö, вежавидз став водзас,кодi уна во сайын стрöитлiс тайо вичкосö..Из дорö из, кирпич дорö кирпич.. И вичко ловзьöдысьяс дорö пыдди пуктöмöн...И на водзын вежавидз,кодi тайö вичко дортi лэччис Ыджыд война вылö да бöрсö эз бергöдчы....И абу сыын делöыс, эскан тэ Енлы али эн на во сэтчöдз...Эм мыйкö нöшта ыджыдтор,мый он шу ни он висьтав..
.
Кто- то скажет:" Зачем тебе эта росинка на траве. Зачем её фотографировать..". Ты не сможешь ответить на этот вопрос. Но и не удивляешься, что кто-то просто не замечает эти божьи слезинки радости....Божественный бисер паутиночкой...Ибо много прекрасного в этом мире тебе тоже не разглядеть...
Туöм Эжва вылын кык пыж. Мый быттьö эськö и дивöыс. Но öнi найö Пожöгса йöзлы Ыджыд мукöд йитöд. А зэригöн да кöдзыд дырйи кö веськалан вуджны, пыжыд- ыджыд шуд. А вуджöдчысьыд Ен дай. А пуктасны понтон - чиныс пыжлöн бöр усьö. Пыж да и пыж... Тадзи и морт олöмын..
Кувлытом полк.
Весиг здук кежлö лöньыштлiс ывла,
Быттьö Ен водзын вуджöдiс лов-
Помтöм радъясö сувталöм йöзыс-
Таысь вынаыс немтор оз ков.
Сэсся вöрзис йöз чукöрыс стройöн-
Быттьö воисны фронт вылысь бöр-
Коркö юрнысö пуктöм геройяс,
Медым войнаыс сэсся эз вöв...
Строяс мунöны пöрысь и томыс-
Ставöс öтувтiс кувлытöм полк-
Танöсь, миянкöд талун геройяс-
Öтув восьлалöм нинöм оз торк…
